descendre

Los nostes atots

Tarba Expo Pirenèus Congrès que hica a la vòsta disposicion un siti de 24695 m² de plan-pè dont : 

12 695 m² cobèrts
12 000 m² d’exterios 

Prepausant un Parc de las exposicions e un Centre de Congrès. Lo Parc de las exposicions qu’a com particularitat de dispausar d’un hall (Hall Vignemale) de 5200m² de surfaci shens paus, de qui pòt  atau arcuélher tot tipo de manifestacion. A5 minutas sonque deu centre vila, Tarba Expo Pirenèus Congrès qu’ei de bon passar taus expausants e los visitaires e que dispausa d’un parctge agratis de 1000 plaças.

Quin que sia la talha deu vòste eveniment, ua paleta d’espacis moduladers e installacions tecnicas de qualitat que son hicadas a disposicion de l’organisator tà garantir l’escajuda deu projècte. Gràcias a las suas multiplas possibilitats d’agençadas e a l’elaboracion deus diferents projèctes, Tarba Expo Pirenèus Congrès qu’arcuelh manifestacions personalisadas e distinguidas las uas de las autas. La diversitat d’eveniments qu’ei hicada a l’aunor a Tarba Expo Pirenèus Congrès.

L’escota, la disponibilitat e la reactivitat que constitueish l’estat d’esperit de Tarba Expo Pirenèus Congrès. L’obertura d’esperit qu’ei ua de las qualitats cultivadas tà compréner las vòstas espéranças e respóner en seguint  a tots los vòstes besonhs.

Totas las collaboracions que s’emparan sus la transparéncia e la visibilitat, tà que los organisators e’s sentin en hidança. Aquèra proximitat qu’ei indispensable tà hèr capitar las vòstas ideas e las vòstas envejas, pr’amor qu’ei amassa que bastim los vòstes projèctes.

Mentions légales - Plan de site -- Réalisation : www.otidea.com --